Taldea

Riza Taldea sektore metalurgikoko enpresa bat da, eta 65 urtetik gorako esperientzia dauka forjaketan, galdaragintza astunean, eta tratamendu termikoan. Instalazioek 20.000m2 baino gehiago hartzen dute, eta sei industria-nabeetan banatuta daude. Hasi zenetik, hainbat negozio-ildo erantsi ditu, eta, horri esker, diziplina anitzeko taldea osatzea lortu du, bezeroaren beharrei irtenbiderik onena emateko helburuz.
Riza Taldea 1947an sortu zen, Zumarragan (Gipuzkoan), eta hastapenetan tratamendu termikoko enpresa bat zen. 1973an, hogei urte baino gehiagoko ibilbidea zeramala, gaur egungo kokalekura lekualdatu zen: Ezkio-Itsaso (Gipuzkoa). Urteekin, Riza Taldea tratamendu termikoaren sektorean egonkortu da, fidagarritasunean eta zerbitzu-kalitatean oinarritutako hazkuntza organikoa sustatuz.
1989an, Labekoa Industrial enpresa erosi, eta forjaketaren sektorean hedatzeko etapa berri bati ekin zion. 2004an, VTN (Vacío y Termoquímica de Navarra) enpresa erosi zuen, eta 2005ean, berriz, IATT (Industria Alavesa de Tratamientos Térmicos) eta IAAF sortu zituen. Amaitzeko, 2008an Mandubia Eólicas sortu zen, anbizio handiko proiektua forjaketaren sektorean.


Azpimarratzekoa da Riza Taldeak esperientziaren eta berrikuntzaren artean duen oreka handia. Horri esker, eraginkortasuna areagotuz doa egunez egun, eta fidagarritasun-maila izugarriak eskaintzen ditu.